America ke former President aur 2024 ke Presidential Candidate Donald Trump ne ek naye visa program ka announcement kiya hai, jise ‘Gold Card’ visa kaha ja raha hai. Yeh program un logon ke liye hai jo $5 million (lagbhag 41 crore INR) ka investment kar sakte hain. Is visa ke zariye log America ka green card privileges aur shayad citizenship bhi paa sakenge. Lekin sawal yeh uthta hai ki yeh Indian nationals ke liye kitna faayde ka sauda ho sakta hai? Chaliye jaanate hain is naye visa scheme ke baare mein Donald Trump’s $ 5 Million ‘Gold Card’ Visa:
Gold Card Visa Kya Hai?
Trump ka yeh visa program basically ek investor visa hai jo current EB-5 visa scheme ka upgraded version lag raha hai. Filhal, EB-5 visa ke liye applicants ko minimum $800,000 invest karna padta hai aur America me 10 jobs create karni hoti hai. Lekin naye ‘Gold Card’ visa me sirf $5 million ka direct payment karne par bhi visa mil sakta hai, bina kisi job creation ki shart ke.
Indian Nationals Ke Liye Kya Yeh Ek Mauka Hai?
- Green Card Backlog se Chutkara: America me employment-based green card backlog me sabse zyada Indians fasae hue hain. Kuch logon ko to 50 saal tak intezaar karna pad raha hai. Agar kisi ke paas financial capacity hai, to yeh visa unka wait time khatam kar sakta hai.
- Business aur Career Opportunities: America me rehkar direct business ya job opportunities ka fayda uthana possible ho sakta hai. Especially IT professionals aur entrepreneurs ke liye yeh ek acha option ho sakta hai.
- High Cost, Kam Reach: Is visa ki sabse badi dikkat yeh hai ki iska cost bahut zyada hai. Sirf ultra-rich log hi isse afford kar sakte hain. Is wajah se maximum middle-class aur upper-middle-class Indians ke liye yeh option feasible nahi hai.
- Other Visa Options Se Comparison:
- H-1B Visa: Skilled workers ke liye yeh abhi bhi best option hai, lekin iska quota limited hota hai aur lottery system ka bhi challenge hai.
- EB-5 Visa: Pehle ke investor visa me investment kam tha lekin jobs create karni padti thi.
- Canada/Australia PR: Bahut saare Indians ab Canada aur Australia migrate karna prefer kar rahe hain kyunki waha PR process relatively simple hai aur cost bhi kam hai.
Kya Gold Card Visa Successful Hoga?
Kuch experts ka maanna hai ki $5 million ka price tag bahut zyada hai aur is wajah se yeh visa bahut popular nahi hoga. Bahut saare wealthy investors already Canada, UAE, UK, aur Europe ke residency programs ki taraf dekh rahe hain jo isse saste aur flexible hain.
Conclusion: Kya Indian Nationals Ko Is Visa Ke Baare Me Sochna Chahiye?
Agar aap ek high-net-worth individual hain aur aapko America me settle hone ka plan hai, to yeh visa ek fast-track option ho sakta hai. Lekin zyada tar Indian professionals aur business owners ke liye yeh ek viable option nahi dikh raha hai. Zyada realistic aur affordable migration options par dhyan dena behtar hoga.
Agar aapko yeh blog pasand aaya ho to comment karke bataye! Kya aap is visa ke liye apply karna chahenge?
How To Earn Money From Instagram 2025
By
